زى ما بصحى كل يوم
الدنيا لذيدة ومفيش هموم
ولا عليا مزاكرة متكومة كوم
فطارى جاهز جبنة نستن وعصير دوم
والحكومة عن النخاسة صايمة صوم
ده كله شغال ولا فيش كسل ولا فيش نوم
خلاص بلدى ودعت البطالة
وحوادث القطر بقت إستحالة
ومواصلتها نضيفة وعلى أعلى مستوى شغالة
ومفيش زحمة ولا فى وسط الطريق زبالة
ده المواطن البسيط بقى صاحب فيلا وعمارة
و وزارة التضامن مبقاش فيها خلاص شكاوى
وشبابنا بطل قاعدة عل القهاوى
مهو مشغول بإختراعوا الجديد وناوى
يعرضوا على بابا حسنى فى المكتب الرئاسى
مخلاص الاهتمام بينا بقى شئ أساسى
ما يوم القيامة وموقف الحساب مبقاش فيه حد ناسى
وعل الاساس ده كل حاجه اتظبطت
وفضلت مكملة الطريق لحد ما راسى اتخبطت
فى الازاز اللى جنبى مل المطب
ياااااه ناس كتيرة فى الاتوبيس لكن ليه كله شت أب
يا ترى سرحانين فى لقمة العيش ولا الضرايب
طبعا مهو الجنية لاى حاجه معدش جايب
حلمى الجميل الذى استمر طيلة ركوب الاتوبيس الى ان قطعته الزحمة بسبب عبور موكب الرئيس واتخبطت فى الازاز .........ااااااااااااااااااه يا راسى
